रौतहटमा ट्राफिक नियम उल्लंघन गर्ने १,३५५ सवारी साधन कारबाहीमा, १३ लाख रुपैयाँ जरिवाना असुली

रौतहट । ट्राफिक नियम उल्लंघन गर्ने १,३५५ सवारी साधन लाई कारबाही गर्दै रौतहट ट्राफिक प्रहरीले माघ महिनाभर १३ लाख रुपैयाँ जरिवाना असुलेको छ।

जिल्ला ट्राफिक प्रहरी कार्यालय का अनुसार मापसे गरेर सवारी चलाउने, ओभरलोड गर्ने, सिट बेल्ट वा हेल्मेट नलगाउने, कागजपत्र नबोक्ने, लाइसेन्सबिनै सवारी चलाउने, रुट परमिट नलिने तथा बिग्रिएको बत्ती भएका सवारीहरू कारबाहीमा परेका छन्।

कारबाहीमा परेका सवारी साधनहरूमा बस, ट्रक, कार, जीप, भ्यान, मोटरसाइकल लगायतका विभिन्न गाडीहरू रहेका छन्। जिल्ला ट्राफिक प्रहरी कार्यालय, रौतहटका प्रमुख प्रहरी निरीक्षक लोकेन्द्र अधिकारी का अनुसार सडक सुरक्षालाई प्राथमिकता दिँदै ट्राफिक प्रहरीले निरन्तर अनुगमन गर्दै आएको छ।