भारत सहित ६ देशबाट नेपाली राजदूतलाई फिर्ता बोलाउने सरकारको निर्णय

काठमाडौं। नेपाल सरकारले राजनीतिक नियुक्तिका आधारमा विभिन्न मुलुकमा पठाइएका ६ जना राजदूतलाई फिर्ता बोलाउने निर्णय गरेको छ । मन्त्रिपरिषद्को पछिल्लो बैठकले राजनीतिक पृष्ठभूमिबाट नियुक्त भएका राजदूतलाई फिर्ता बोलाउने निर्णय गरेको हो ।

फिर्ता बोलाइएका राजदूतमा भारतका लागि नेपाली राजदूत डा. शंकरप्रसाद शर्मा, अस्ट्रेलियाका लागि चित्रलेखा यादव र दक्षिण कोरियाका लागि डा. शिवमाया तुम्बाहाङ्फे रहेका छन् ।

फिर्ता हुने राजदूतलाई आफ्नो कार्यकालको बाँकी अवधि छोडेर स्वदेश फर्कन निश्चित समय सीमा दिइने परराष्ट्र मन्त्रालयले जनाएको छ । रिक्त रहेका ती कूटनीतिक नियोगमा नयाँ नियुक्तिको प्रक्रिया भने अब छिट्टै सुरु हुने बताइएको छ ।