प्रधानमन्त्री शाहले आज २० देशका राजदूतसँग सामूहिक भेटवार्ता गर्दै

काठमाडौं । प्रधानमन्त्री बालेन्द्र शाह (बालेन)ले आज नेपालमा रहेका करिब २० देशका राजदूतहरूसँग सामूहिक भेटवार्ता गर्ने भएका छन् । प्रधानमन्त्रीको सचिवालयका अनुसार भेटवार्ता मध्याह्न १२ बजे प्रधानमन्त्री तथा मन्त्रिपरिषद्को कार्यालय सिंहदरबारमा हुने छ ।

प्रधानमन्त्री शाहले यसअघि विदेशी राजदूतहरूसँग एक्लै भेट्ने अभ्यास गर्दै आएका थिए भने अहिले नयाँ अभ्यासको रूपमा सबै राजदूतसँग एकसाथ भेट गर्ने योजना अघि बढाएका हुन् ।

भेटवार्तामा परराष्ट्रमन्त्री शिशिर खनाल, परराष्ट्र सचिव अमृतबहादुर राई, शिष्टाचार महापाल प्रमुख कुमार राई, प्रवक्ता तथा सह-सचिव लोकबहादुर पौडेल क्षेत्री र मुख्य सचिव सुमनराज अर्याल समेत सहभागी हुने जनाइएको छ ।