सुनको भाउ घट्दा चाँदीको बढ्यो, कतिमा हुँदैछ कारोबार?

काठमाडौँ । नेपाली बजारमा साताको पहिलो दिन आइतबार सुनको भाउ घटेको छ भने चाँदीको बढेको हो।

गत शुक्रबारको तुलनामा आइतबार सुनको भाउ तोलामा एक हजार रुपैयाँ घट्दा चाँदीको ६५ रुपैयाँ बढेको हो।

मूल्य घटेसँगै आइतबार छापावाला सुन प्रतितोला दुई लाख ९५ हजार एक सय र प्रति १० ग्रामको दुई लाख ५३ हजार रुपैयाँमा कारोबार भइरहेको नेपाल सुनचाँदी रत्न तथा आभूषण महासंघले जनाएको छ।

यसअघि शुक्रबार सुनको भाउ प्रतितोला दुई लाख ९६ हजार एक सय र प्रति १० ग्रामको दुई लाख ५३ हजार आठ सय ६० रुपैयाँ रहेको थियो ।

यता गत शुक्रबार प्रतितोला चार हजार नौ सय ४५ रुपैयाँ रहेको असली चाँदीको भाउ बढेर आइतबार पाँच हजार १० रुपैयाँ कायम भएको महासंघले जनाएको छ।

नचाँदीको मूल्य हालसम्मकै उच्च गत माघ १५ गते भएको थियो ।

उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।

अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।