प्रकाशित मिति : मङ्लबार, भदौ ९, २०८३
काठमाडौं । राष्ट्रिय सभाको बैठक एक हप्तासम्मका लागि स्थगित भएको छ।
मंगलबार बिहान बसेको बैठकले ‘नेपाल विशेष सेवा ऐन’ सम्बन्धी विधेयकलाई दफावार छलफलका लागि समितिमा पठाउने प्रस्ताव स्वीकृत गरेसँगै बैठक भदौ १६ गतेसम्मका लागि स्थगित गरिएको हो । बैठकमा प्रधानमन्त्री बालेन्द्र शाहको तर्फबाट कानून, न्याय तथा संसदीय मामिलामन्त्री सोविता गौतमले ‘प्रतिनिधि सभाबाट सन्देशसहित प्राप्त नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३ लाई दफावार छलफलका लागि विधायन व्यवस्थापन समितिमा पठाइयोस्’ भन्ने प्रस्ताव प्रस्तुत गर्नुभयाे।
प्रस्तावलाई बैठकले सर्वसम्मतिले स्वीकृत गरेपछि अध्यक्ष नारायण दाहालले अर्को बैठक भदौ १६ गते दिउँसो १ बजे बस्ने गरी तय गर्नुभएकाे छ।
© copyright 2016-2019 and all right reserved to jaljalakhabar | Site By : sobij
