गोर्खा ग्रुप दाङद्वारा जिल्लामा ठूलो धनराशि १० लाख बढी भोटेकोशी बाढीपीडितलाई सहयोग

बिनिता शर्मा,काठमाडौ । गोर्खा ग्रुप दाङले १० लाख बढी भोटेकोशी बाढीपीडितलाई सहयोग गरेको छ ।

भदौ १० गते आएको विध्वंसकारी बाढीले ४ जिल्लालाई ध्वस्त बनाएपछि अहिले देश नै पीडामा छ, र देशबासीहरु सबै ठुलो पीडामा गुज्रिएका छन।

यो बेलामा देश तथा बिदेशमा रहेका स्वदेशी र बिदेशीहरुले सहयोग गरिरहेकोे, अबस्थामा भोटेकोशी बाढीपिडितको सहयोगार्थ दाङको गोरखा समूहले प्रधानमन्त्री दैवी प्रकोप उद्धार कोषमा १० लाख १ हजार १ सय ४७ रुपयाँ जम्मा गरेको हो।

गोरखा समूह अन्तर्गत सञ्चालित विद्यालय र कलेजका साथै शिक्षक र कर्मचारीबाट संकलित रकम कोषमा जम्मा गरिएको समूहका {CEO}प्रमुख कार्यकारी अधिकृत नवल जिएमले जानकारी दिनुभयो ।

गोरखा स्कुल घोराही र शिक्षक तथा कर्मचारीबाट २ लाख ५३ हजार, गोरखा स्कुल तुलसीपुर र शिक्षक तथा कर्मचारीबाट २ लाख ३१ हजार ४ सय ४५, गोरखा स्कुल लमही र शिक्षक तथा कर्मचारीबाट १ लाख ५६ हजार र गोरखा स्कुल लालमटीया र शिक्षक तथा कर्मचारीबाट ७९ हजार संकलन गरिएको थियो ।

यसैगरी गोरखा रेसिडेन्सिएल स्कुल तुलसीपुर र शिक्षक तथा कर्मचारीबाट ४५ हजार १ सय ३३, भिक्टोरीया कलेज र शिक्षक तथा कर्मचारीबाट ५० हजार ४ सय ५८, गोरखा मोडेल कलेज तुलसीपुर र शिक्षक तथा कर्मचारीबाट ५० हजार र स्वर्णीम देउखुरी कलेज र शिक्षक तथा कर्मचारीबाट ३५ हजार जम्मा भएको छ /

यस्तै, गोरखा पब्लिक हस्पिटलबाट १ लाख १ हजार १ सय ११ रुपयाँ गरी १० लाख १ हजार १ सय ४७ रुपयाँ कोषमा जम्मा गरिएको प्रमुख कार्यकारी अधिकृत जिएमले जानकारी दिनुभयो ।

गोरखा समूह पूर्व गोरखा सैनिकहरुले स्थापना गरेका हुन् । समूहबाट शिक्षा, स्वास्थ्य र कृषि क्षेत्रमा बिभिन्न कामहरु भएको जिएमले जानकारी दिनुभयो । गोर्खा ग्रुपका प्रमुख कार्यकारी अधिकृत जि एम ले तीन दशक भन्दा बढी समय देखि शिक्षा क्षेत्रमा खटिएको र दाङ भरि रहेका विभिन्न बिद्यालयमा करिब १५ हजार भन्दा बढी विद्यार्थी छन् भने, कृषि क्षेत्रमा पनि विभिन्न स्थानमा फमहरु संचालनमा आएका छन ।

एउटा सामान्य बिद्यालय शुरूवात गरेर आज यो स्थानमा पुग्नु चानचुने कुरा होइन,अहिलेका युवाहरुले उहाँबाट केही सिक्नुपर्ने देखिन्छ ।