घोराही नगरपालिकाको बाह्रकुने दह क्षेत्रमा गस्तिमा गएको प्रहरी अगाडी नै मादक पदार्थ सेवन गरेका युवाहरुले हुलहुल्लज गरेपछि प्रहरीले उनीहरुलाई नियन्त्रणमा लिएको

घोराही नगरपालिकाको बाह्रकुने दह क्षेत्रमा गस्तिमा गएको प्रहरी अगाडी नै मादक पदार्थ सेवन गरेका युवाहरुले हुलहुल्लज गरेपछि प्रहरीले उनीहरुलाई नियन्त्रणमा लिएको हो ।

मादक पदार्थ सेवन गरि मनपरी गर्ने र समाजमा सन्त्रास फैलाउन खोज्नेहरुलाई पक्राउ गरिएको जिल्ला प्रहरी प्रमुख एवं एसपी धिरजप्रताप सिंहले बताए ।

सोही अभियोगमा प्रहरीले ५ जनालाई नियन्त्रणमा लिएको हो । पक्राउ पर्नेहरुमा घोराही नगरपालिका ६ बस्ने २३ वर्षीय गोबिन्द जि.एम, सोही ठाउँका २० बर्षीय राजु परियार, घोराही ७ बस्ने २३ बर्र्षीय बिनोद बिश्वकर्मा, घोराही १ बस्ने २३ बर्षीय दिपेन्द्र परियार र रूपन्देही सुर्यबुढा २ बस्ने २० बर्षीय सुनिल रोका रहेका छन् ।

जिल्ला प्रहरी कार्यालयबाट खटिएको बिशेष प्रहरी टोलिले उनीहरुलाई पक्राउ गरेको हो । पक्राउ परेकाहरुलाई सार्वजनिक अपराध अन्तरगत मुद्दा दर्ता गरिने प्रहरीले जनाएको छ ।