महोत्तरीको मुसहर बस्तीमा झाडापखालाको महामारीः २ वर्षीयाको मृत्यु, ५२ बिरामी

महोत्तरी । महोत्तरीको जलेश्वर – १३ मा झाडापखालको महामारी देखिएको छ । महामारीका कारण दुई वर्षीयाको मृत्यु भएको छ भने ५२ जना बिरामी छन् ।

श्रवण सदाका छोरी राधिका सदाको बिहिबार बिहान अस्पताल पुर्याउने क्रममा मृत्यु भएको छ ।

जेमेका पानीको घुँगी र माछा मारेर खाएपछि गत ९ गतेबाट सुरु भएको प्रकोपका कारण ५२ जना रहेका छन् । यीमध्ये आधाभन्दा बढी बालबालिका छन् ।

निरिक्षक सन्तोष कुमार ठाकुरको नेतृत्वमा चारजनाको जनस्वास्थ्य टोली प्रभावित क्षेत्रमा रही बिरामीहरुको उपचार गरिरहेका छन् ।

अवस्था बिग्रिपछि ८ जनालाई हिजो दिउँसा अस्पतालमा भर्ना गरिएको छ । बिरामीको स्थिती थोरै सामान्य जस्तो देखिएको बताइएको छ।