प्रकाशित मिति : मङ्लबार, असार १०, २०७६
काठमाडौं । कैलाली जिल्लाको भजनी नगरपालिका ७ चररा स्थित हिम्मतपुरबाट असार १० गते
एपीएफ टोलीले करीब २ लाख ७२ हजार रुपैयाँ बराबरको चोरीपैठारीको हार्डवेयर
र फेन्सीसामान बरामद गरेको छ ।
भारतबाट नेपालतर्फ ल्याउँदै गरेको अवस्थामा उक्त सामान सशस्त्र प्रहरी
बल, नेपाल नम्वर ७ बैद्यनाथ बाहिनी मुख्यालय कैलाली र सशस्त्र प्रहरी बल,
नेपाल बोर्डर आउट पोष्ट भजनी कैलालीबाट खटिएको एपीएफ टोलीले बरामद गरेको
हो ।
यसैगरी सशस्त्र प्रहरी बल, नेपाल नम्वर १४ गुल्म हेक्वा पर्साबाट खटिएको
एपीएफ टोलीले पर्सा जिल्लाको विरगंज महानगरपालिका १६ ईनरुवाबाट असार १०
गते करीब २ लाख ५६ हजार रुपैयाँ बराबरको चोरीपैठारीको लत्ताकपडा बरामद
गरेको छ ।
भारतबाट अवैध रुपले नेपालतर्फ ल्याउँदै गरेको अवस्थामा उक्त लत्ताकपडा
बरामद गरिएको हो ।
बरामद लत्ताकपडा एपीएफ टोलीले आवश्यक कारवाहीको लागी स्थानिय भन्सार
कार्यालयमा बुझाएको छ ।
© copyright 2016-2019 and all right reserved to jaljalakhabar | Site By : sobij
