बुबाको हत्यापछि रुँदै छोरा भन्छन्, कलम बोक्ने हातले अब हतियार बोक्छु ! (भिडियो)

काठमाडौं । सर्लाहीमा प्रहरीबाट मारिएका नेत्र विक्रम चन्द ‘विप्लव’ नेतृत्वको नेकपाका जिल्ला इन्चार्ज कुमार पौडेलका छोरा कुशल पौडेलको भिडियो यतिबेला सामाजिक सञ्जालमा भाइरल बनेको छ ।

हत्याका नाममा घटाइएको घटनाले बाल मस्तिष्कमा परेको प्रभाव यो घटनाले देखाएको भन्दै सरकारलाई बेलैमा गम्भीर बन्न धेरैले सुझाएका छन् ।

नायिका करिष्मा मानन्धरले लेखेकि छन्, ‘‘कुनै नेपाली छोरा को आँसु अर्को नेपालीको छोराले गर्दा झार्नु हुदैन । हिंसा समाधान होइन । लोकतन्त्रमा सबैको आवजको सुनुवाइ हुनुपर्छ । संवादले ठुला ठुला समस्याको समाधान सम्भव हुन्छ ।”

गत असार ५ गते सर्लाहीको लालबन्दी–१ लखन्ती खोेलामा पौडेललाई प्रहरीले नियन्त्रणमा लिएर हात भाँचेर हत्या गरेको आरोप छ ।

उनको हत्या किन गरियो ? प्रहरीले दोहोरो भिडन्तमा मारिए भन्नु बाहेक गतिलो जवाफ दिन सकेको छैन् । भू माफियाहरु र तस्करहरु विरुद्ध आवाज उठाँउदा उनको हत्या गरिएको परिवारको आरोप छ ।