बाढी र पहिरोबाट प्युठानमा मर्नेको संख्या ३६ पुग्यो

प्युठान,१३ साउन— प्युठानमा गत सोमवारदेखि गएको बाढी र पहिरोमा परि मृत्यु हुनेको सख्या ३६ पुगेको छ ।  ६ गाविसमा गरी सो संख्यामा मृत्यु भएको हो ।

सवैभन्दा बढी फोप्लीका सर्वसाधरणले ज्यान गुमाएका छन् । फोप्लीमा एकै गाउँका २४ जनाले ज्यान गुमाएको उद्दारमा खटिएका प्रहरी निरिक्षक निरे बोहोराले बताउनुभयो ।

पहिरोबाट गाउँका झण्डै २ सय घरपरिवार विस्थापित भएका छन् ।  पहिरो पीडितहरु स्थानीय नेरा प्रावि खैरापुकको प्रांगणमा आश्रय लिएर बस्न बाध्य भएको स्थानीयले गुनासो गरेका छन् ।

पहिरो जाने क्रम अझै नरोकिएको गाविस सामाजिक परिचालक यूवराज भण्डारीले बताउनुभयो । यस्तै, पहिरोमा पुरिएर दुर्गम गाविस अर्खामा ३, माझकोटमा ३, खवाङमा–३, पूजामा २ र लुङमा १ जनाको ज्यान गएको प्रमुख जिल्ला अधिकारी जनकरा पन्तले बताउनुभयो ।

पहिरोले पुरिएर नेकपा माओवादी केन्द्रका केन्द्रीय सदस्य हरी बहादुर केसीको समेत ज्यान गएको छ । पहिरोमा पुरिएर ६ जना बेपत्ता भएका छन् । फोप्ली–३ मा २ जना, लुङमा ३ र खवाङमा १ जनना बेपत्ता भएका छन् । बेपत्ताहरुको खोजीकार्य भईरहेको प्रहरी प्रमुख डिएसपी रंजितसिाह राठौरले जानकारी दिनुभयो  ।