सल्यानी खुकुरीको माग दिन प्रतिदिन बढ्दै

 सल्यानी खुकुरीको माग दिन प्रतिदिन बढ्दै गएको छ । देश, विदेशमा सल्यानको चिनोको रुपमा खुकुरी पठाउनु तथा अन्य घरायसी कामको लागी प्रयोग गर्नेको संख्यामा बृद्धि भए पछि सल्यानी खुकुरीको माग बढेको हो ।

जिल्ला भित्र हुने बिभिन्न कार्यक्रममा सहभागी पाहुनाहरुलाई उपहार स्वरुप खुकुरी दिन थाले पछि सल्यानी खुकुरीको माग झन् बढेको हो । तर माग अनुसारको खुकुरीको उत्पादन हुन सकेको छैन् । लामो समय देखी खुकुरी बनाउने पेशमा लागेका शारदा नगरपालिका २ खलंगा बिश्वकर्मा टोलका ६४ वर्षिय जुद्धबिर बि.क.ले माग भए अनुसारको खुकुरी पु¥याउन नसकिएको बताए ।

खलंगामा रहेको विश्वकर्माटोलमा ११ परिवार रहेका छन् । ती मध्ये ६ परिवारले फलामवाट वन्ने खुकुरी , खुडा , चुलेसि , चक्कु , हसिया बनाउदै आएका छन् । वि.क.का अनुसार खुडा, चुलेसी चक्कु भन्दा बढि खुकुरीको माग रहेकोे छ ।

द्धन्द्धका समयमा खुकुरीको कारोबारो पूर्ण रुपमा बन्द भएपनि शान्ति भएसँगै पून खुकुरीको माग बढ्दै आइरहेको उनले बताए । खुकुरी वनाउने पेशावाट घर खर्च टार्नुका साथै छोरा छोरी विद्यालय पढाऊने सहयोग पुगेकोे अर्का उद्यमी इन्द्र वहादुर वि.क.ले बताए ।

उक्त टोलका वि.क. परिवारले खुकुरी बनाउने पुख्र्यौली पेशालाई ब्यबसायिक बनाएर निरन्तरता दिदा जीवनस्तरमा सुधार आएको वताएका छन् । उनीहरुले आफुहरुले उत्पादन गरेको खुकुरी बिक्री हुदैन की भन्ने डर भन्दा पनि फलामका औजारहरु निर्माणका लागि वढ्दो लोडसेडिङ्गले समस्या भएको बताएका छन् ।

दैनिक एक वटा खुकुरी वनाउन सकिने भएपनि वढ्दो लोडसेडिङ्गका कारण समस्या भएको उद्यमी विकले बताए । “खुकुरी चम्कीलो वनाउन लगाईने सान प्रयोग गर्न समस्या छ” उनले भने “आकर्षक खुकुरी , खुडा वनाऊने आधुनिक ग्रयान्डर मेसिन भएर पनि बत्तिका कारण प्रयोग बिहिन छ ।”

सल्यानी खुकुरी काठमाण्डौ, नेपालगञ्ज, दाङ्ग, वाहिरी अमेरिका, अष्टे«लिया लगायतका देशमा उपहारका रुपमा पठाउने गरिन्छ