प्रकाशित मिति : मङ्लबार, पुस २१, २०७७
काठमाडाैं । नेपाली सेनाले विभिन्न ११ पदमा भर्ना आह्वान गरेको छ। मंगलबार सूचना प्रकाशित गर्दै नेपाली सेनाले लेखा जमदार ५० जना, पुजारी हुद्धा ४ जना, अमल्दार कर्मचारी ५३ जना भर्नाका लागि आह्वान गरेकाे हाे।
यस्तै, नेपाली सेनाकाे सूचना अनुसार बन्दोबस्ती कार्य सिपाही ९६ जना, सूचीकार १० जना, कूचीकार ५३ जना, चर्मकर्मी ११ जना, लोहकार ८ जना धोबी २ जना, केशकर्तक २ जना र सयस पदमा ५ जना माग गरेको छ।
इच्छुक र योग्यता पुगेका उम्मेदवारले पुस २१ गतेदेखि माघ २१ गते १ महिनाभित्र आवेदन दिन सक्नेछन। सबै पदमा समावेशी प्रतिस्पर्धाबाट पदपूर्ति गरिने नेपाली सेनाले जनाएको छ।
आवेदन दिने म्याद सकिएकाे ७ दिनभित्र दोब्बर दस्तुर तिरेर पनि आवेदन दिन सकिने सेनाले प्रकाशित गरेकाे सूचनामा जनाइएको छ।
© copyright 2016-2019 and all right reserved to jaljalakhabar | Site By : sobij
