प्रकाशित मिति : बुधबार, भदौ २, २०७८
ठमाडौं । नेकपा एमाले औपचारिक रूपमा विभाजन भएसँगै बागमती प्रदेश सरकारमा पनि हेरफेर हुने निश्चित भएको छ ।
अष्टलक्ष्मी शाक्यलाई एमाले बागमती प्रदेश संसदीय दलको नेतामा सर्वसम्मत रुपले चयन गरिएको छ । यसअघि एमालेको नेपाल–खनाल खेमामा रहनुभएकी शाक्य केपी ओली पक्षमा प्रवेश गर्दै बागमती प्रदेशकी मुख्यमन्त्री बन्न लाग्नुभएको हो ।
मुख्यमन्त्री डोरमणी पौडेलले संसदीय दलको नेताबाट राजीनामा दिएपछि शाक्यलाई दलको नेता बनाइएको हो । हटौंडास्थित प्रदेशसभा सचिवालयमा बसेको एमाले प्रदेश संसदीय दलको बैठकले शाक्यलाई सर्वसम्त रुपमा दलको नेतामा चयन गरेको हो ।
प्रदेश प्रमुख विष्णु प्रसाईं गृहजिल्ला झापाबाट फर्किए लगतै मुख्यमन्त्री पौडेलले राजीनामा दिने सहमति भएको छ । १ सय १० सदस्य रहेको बागमती प्रदेशमा ५६ सांसद्सहित एमाले स्पष्ट बहुमतमा छ ।
एमाले सांसद् पशुपति चौलागाईंको निधनका कारण प्रदेशसभामा एक स्थान रिक्त छ । बहुमतका लागि ५५ सांसदको समर्थन आवश्यक पर्छ ।
© copyright 2016-2019 and all right reserved to jaljalakhabar | Site By : sobij
