नक्कली जुँगा लगाउनुपर्ने विषयमा राजेशको तर्क

काठमाडौं । अभिनेता राजेश हमालले चलचित्र ‘फर्की आऊ’का लागि कपाल काट्दा ठूलै चर्चा भयो । कारण, त्यसअघिका चलचित्रमा राजेशले प्रहरीको भूमिका निभाउँदा समेत कपाल काट्न मानेका थिएनन् ।

राजेशले लामो कपाल पालेर प्रहरीको भूमिकामा देखिंदा कैयौंपटक आलोचना पनि भएको थियो । तर कपाललाई प्रिय मान्ने उनले भूमिकाअनुसार आफूलाई परिवर्तन गर्ने कोशिश गरेनन् ।

नेपाली चलचित्रमा कुनै भूमिकाका लागि आफूलाई परिवर्तन गर्नुभन्दा पनि नक्कली सामानहरुको प्रयोग गर्ने कलाकार बढी छन् । केही दिनअघि सार्वजनिक भएको राजेश अभिनित ‘हजुर मुसुक्कै’ बोलको गीतमा उनले नक्कली जुँगा राखेका छन् । यो गीतमा एक राज्यको राजाको भूमिकामा देखिएका उनले ‘सक्कली जुँगा’ पालेको भए अझै उनको अभिनयमा जीवन्तता देखिने विश्लेषण पनि सुनिन्छ ।