प्रकाशित मिति : आइतवार, फाल्गुन २२, २०७८
नेपालगन्जबाट झन्डै सात लाख रकमसहित १२ जुवाडे पक्राउ परेका छन्।
गोप्य सूचनाको आधारमा पुगेको प्रहरीले शनिबार राति ११ बजेतिर नेपालगन्जस्थित सिटी प्लाजा होटेलबाट ६ लाख ९४ हजार पाँच सय बढी रकमसहित १२ जुवाडेलाई पक्राउ गरेको हो।
पक्राउ पर्नेमा नेपालगन्जका मनोज बिक, अनिल घरारी, रामप्रसाद गौतम, दीपक थापा, तेजबहादुर बुढा छन्।
त्यस्तै कैलालीका खगेन्द्र रावल, रामराज जैसी, नबल बुढा, अनिल शाही र खेम बुढाथोकी रहेको बाँके प्रहरी प्रमुख एसपी श्यामकृष्ण अधिकारीले सेतोपाटीलाई जानकारी दिए। अधिकारीका अनुसार पक्राउ परेका सबै चिरपरिचित जुवाडे हुन्।
जिल्ला प्रहरी प्रवक्ता डिएसपी मधुसुदन न्यौंपानेले जुवाको खालबाट पक्राउ परेकालाई जुवा ऐन अन्तर्गत मुद्दा चलाएर कानुनी कारबाहीको प्रक्रिया सुरु भइसकेको छ।
पक्राउ परेकाहरुलाई म्याद थपका लागि आइतबार नै प्रहरीले अदालतमा लैजाने जानकारी दिएको छ ।
© copyright 2016-2019 and all right reserved to jaljalakhabar | Site By : sobij
