प्रकाशित मिति : शुक्रबार, चैत्र ४, २०७८
काठमाडौ । सुर्खेतकाे भेरी नदीमा बेपत्ता भएका तीन जना बालबालिकाको शव भेटिएको छ ।
तीन जनामध्ये एक जनाको बुधबार र दुईजनाको बिहिबार शव भेटिएको सुर्खेत प्रहरीले जनाएको छ । गत शनिबार नुहाउने क्रममा उनीहरु बेपत्ता भएका थिए । जिल्ला प्रहरी कार्यालय सुर्खेतका प्रवक्ता, प्रहरी नायव उपरिक्षक रामप्रसाद घर्तीले लेकवेशी नगरपालिका–२ का ८ वर्षीय दिनेश बुढाको भेरीगंगा नगरपालिका-२ स्थित भेरी पुल नजिकै बुधबार शव भेटिएको जानकारी दिनुभयो ।
त्यस्तै भेरीगंगा नगरपालिका–११ का १२ वर्षीय कृष्ण सिंजालीको बिहिबार दिउँसो र सोही ठाउँकी १२ बर्षीय गंगा खड्काको बेलुकी शव भेटिएको हो । दुबै जनाको शव भेरीगंगा नगरपालिका–१३ स्थित भेरी नदी किनारमा भेटिएको हो ।
बालबालिकाको शव पोष्टमार्टमका लागि मेहलकुना अस्पतालमा राखिएको जिल्ला प्रहरी कार्यालय सुर्खेतले जनाएकाे छ ।
© copyright 2016-2019 and all right reserved to jaljalakhabar | Site By : sobij
