प्रकाशित मिति : बुधबार, असार १, २०७९
काठमाडौं । खराब मौसमका कारण जजिरा एयरको विमान काठमाडौंमा अवतरण गर्न नसकी भैरहवामा डाइर्भट भएको छ ।
मंगलबार बिहान कुवेतबाट आएको विमान त्रिभुवन विमानस्थलमा कम भिजिबिलिटीका कारण गौतमबृद्ध अन्तर्राष्ट्रिय विमानस्थलमा डाइर्भट भएको हो । मंगलबार बिहान २ बजेर ३० मिनेटमा काठमाडौंमा अवतरण गर्नुपर्ने विमान खराब मौसमका कारण भैरहवा डाइर्भट गरेर अवतरण गराइएको विमानस्थल कार्यालय काठमाडौंले जनाएको छ ।
अन्तर्राष्ट्रिय उडान मौसम खराब भएर भैरहवा डाइर्भट गरेर ल्यान्ड गराइएको पहिलो पटक भएको गौतमबुद्ध अन्तर्राष्ट्रिय विमानस्थलका सूचना अधिकारी यज्ञप्रसाद न्यौपानेले बताए । उनले भने, ‘जजिरा एयरले कुवेतको राजधानी कुवेत सिटीबाट गौतमबुद्ध विमानस्थलमा र भैरहवाबाट कुवेत सिटीमा नियमित सिधा यडान भर्दै आएको भएपनि डाइर्भट भने पहिलो हो ।’
यो समाचार आजको कारोबार दैनिकमा प्रकाशित छ ।
© copyright 2016-2019 and all right reserved to jaljalakhabar | Site By : sobij
