प्रकाशित मिति : शनिबार, अशोज १, २०७९
काठमाडौं । अछाममा अविरल वर्षा पछि झरेको पहिरोमा परेर एकै परिवारका पाँच जना सहित ९ जनाको मृत्यु भएको छ ।
जिल्लाको कमल बजार नगरपालिका–८ र ६ मा गरेर ९ जनाको मृत्यु भएको भएको जिल्ला प्रहरी कार्यालय अछामले जनाएको छ ।
कमल बजार नगरपालिका–८ ढुगांलामा छिउरे दमाइ सहित उनको ५ जनाको परिवारको पहिरोमा परी मृत्यु भएको प्रहरीले जनाएको छ ।
यस्तै, कमल बजार नगरपालिका–६ मा ४ जनाको मृत्यु भएको छ भने अझै ४ जना घरमा पुरिएको आशंका गरिएको छ ।
पहिरोमा परेर घाइते भएका ४ जनालाई उद्धार गरेर उपचारका लागि अस्पताल पठाइएको छ ।
अछामको कमल बजार नगरपालिका, तुर्माखाद गाउँपालिका र ढकारी गाउँपालिकामा पहिरोले ठूलो क्षति पुर्याएको अछामका सहायक प्रमुख जिल्ला अधिकारी दिपेश रिजालले जानकारी दिनुभयो । क्षतिको विस्तृत विवरण भने आइनसकेको उहाँले बताउनुभयो ।
© copyright 2016-2019 and all right reserved to jaljalakhabar | Site By : sobij
