प्रकाशित मिति : आइतवार, कार्तिक १३, २०७९
धनगढी । कैलालीको गौरीगंगा नगरपालिका-१ स्थित चौमाला बजारमा भीषण आगलागी भएको छ।
शनिबार साँझ चौमाला चोकमा रहेको हिमाल मोबाइल पसलमा आगलागी भएको हो।
इलाका प्रहरी कार्यालय चौमालाले मोबाइल पसलबाट सुरु भएको आगलागी फैलिएर ४ वटा पसल जलेर नष्ट भएको जनाएको छ ।
विद्युतको तार सर्ट भएर आगलागी भएको प्रहरीले जनाएको छ।
गौरीगंगा नगरपालिकासँग दमकल नहुँदा गोदावरी नगरपालिकाबाट दमकल मगाइएको छ ।
प्रहरी र म्यादि प्रहरी समेतको टोलीले स्थानीयको सहयोगमा आगो निभाउने कार्य भैरहेको प्रहरीले जनाएको छ ।
© copyright 2016-2019 and all right reserved to jaljalakhabar | Site By : sobij
