प्रकाशित मिति : बुधबार, कार्तिक ३०, २०७९
काठमाडौं । गण्डकी प्रदेशका भौतिक पूर्वाधार, सहरी विकास तथा यातायात व्यवस्थामन्त्री कुमार खड्का बर्खास्त हुनुभएको छ ।
पार्टीका उम्मेदवारलाई असहयोग गरेको आरोपमा मुख्यमन्त्री कृष्णचन्द्र पोखरेलले उहाँलाई बर्खास्त गर्नुभएको हो ।
खड्का उम्मेदवार बन्न नपाएपछि निष्क्रिय हुनुभएको थियो । खड्का यसअघि समानुपातिकबाट कांग्रेस प्रदेश सांसद बन्नु भएको थियो ।
खड्का २०७८ साउन ८ मा मन्त्रीमा नियुक्त हुनुभएको थियो । यसअघि सत्ता गठबन्धनकै उम्मेदवारलाई असहयोग गरेको आरोपमा ऊर्जा, जलस्रोत तथा खानेपानीमन्त्री हरिशरण आचार्यलाई पनि बर्खास्त गरिएको थियो ।
© copyright 2016-2019 and all right reserved to jaljalakhabar | Site By : sobij
