प्रकाशित मिति : सोमवार, चैत्र १३, २०७९
मुम्बई। बलिउड अभिनेता सलमान खानलाई इमेलमार्फत ज्यान मार्ने धम्की दिने एकजना युवा पक्राउ परेका छन्। मुम्बई प्रहरीको एक अपरेशनमाफर्त अभिनेता खानलाई धम्की दिएको आरोपमा जोधपुरबाट २१ वर्षीय राम विश्नोईलाई पक्राउ गरिएको हो।
मुम्बई प्रहरीले राजस्थान प्रहरीसँग मिलेर गरेको ज्वाइन्ट अपरेसनमार्फत जोधपुरबाट २१ वर्षीय विश्नोई पक्राउ परेका हुन्। मुम्बई प्रहरीको अनुसन्धानपछि आरोपितलाई पञ्जाब प्रहरीसमक्ष सुम्पिँदैछ।
सलमान खानलाई केही दिन अघि इमेलमार्फत उनले धम्की दिएको आरोप छ। इमेलमा भनिएको थियो– ‘तिम्रो हालत पनि सिद्धू मूसेवालाको जस्तै हुनेछ।’
सलमानलाई यो धम्की एक साता अघि दिइएको थियो। धम्कीपछि उनको घरको बाहिर सुरक्षा व्यवस्था कडा बनाइएको छ भने अवस्था ठिक नभएको भन्दै फयानहरुलाई नभेट्न पनि प्रहरीले सलमानलाई सुझाव दिएको थियो।
© copyright 2016-2019 and all right reserved to jaljalakhabar | Site By : sobij
