प्रकाशित मिति : शनिबार, बैशाख २३, २०८०
काठमाडौं । शहीद स्मारक ‘ए’ डिभिजन लिग फुटबलमा शनिबार तीन खेल हुँदैछ ।
त्रिपुरेश्वरस्थित दशरथ रंगशालामा दिउँसो ३ बजे सुरु हुने खेलमा सातदोबाटो युथ क्लबले मनाङ मर्स्याङ्दी क्लबसँग खेल्नेछ ।
सातदोबाटो सातौं र मनाङ छैटौं जितको योजनामा हुनेछन् । सातदोबाटो २२ अंक जोडेर चौंथो स्थानमा रहँदा मनाङ १८ अंक जोडेर नवौं स्थानमा रहेको छ ।
यस्तै, शनिबार दिउँसो ३ बजे नै च्यासल मैदानमा हुने खेलमा चर्च ब्वाइज युनाईटेड र न्युरोड टिम एनआरटीबीच प्रतिस्पर्धा हुनेछ ।
चर्च ब्वाइज सातौं तथा एनआरटी पाँचौं जितको खोजीमा हुनेछ । चर्च ब्वाइज २४ अंक जोडेर दोस्रो स्थानमा रहेको छ भने एनआरटी १७ अंक जोडेर १० औं स्थानमा रहेको छ ।
यसैगरी, साँझ ६ बजे नै त्रिपुरेश्वरस्थित दशरथ रंगशालामा हुने दोस्रो खेलमा थ्री स्टार क्लब र फ्रेन्ड्स क्लबबीच प्रतिस्पर्धा हुनेछ ।
थ्री स्टार छैटौं तथा फ्रेन्ड्स पाँचौं जितको योजनामा हुनेछ ।
थ्री स्टार २३ अंक जोडेर तेस्रो स्थानमा रहँदा फ्रेन्ड्स १५ अंक जोडेर पुछारमा रहेको छ ।
© copyright 2016-2019 and all right reserved to jaljalakhabar | Site By : sobij
