प्रकाशित मिति : सोमवार, अशोज १, २०८०
काठमाडौं । तराइमा आज चौठचन्द्र चौरचन पर्व मनाइँदै छ ।
छठपछिको दोस्रो ठूलो पर्वका रूपमा मनाइने चौठचन्द्र पर्वमा व्रतालुहरु दिनभरि उपवास बसेर साँझ गणेश र चन्द्रमाको विधिपूर्वक पूजा गर्ने परम्परा छ ।
भदौ शुक्ल चतुर्थीका दिन फलफुल लिएर चन्द्रमाको पूजा गर्दा विभिन्न प्रकारका कलंक र रोगबाट मुक्ति पाइने विश्वास रहेको छ । व्रतालुले साँझको समयमा भगवान गणेश र चन्द्रमालाई खीर, पुरी, फलफूल अर्पण गर्ने गर्दछन ।
आज सूर्यास्तपछि गाईको गोबरले लिपेर आँगनमा चामलको पिठोको कलात्मक अरिपन बनाई त्यसमाथि पूजाका सामग्री राखेर धार्मिक विधिपूर्वक पूजापाठ गर्ने परम्परा चौठचन्द्र पर्वमा रहेको छ ।
मिथिलाञ्चलसहित मधेशमा घर–घरमा यो पर्वको विशेष महत्व रहेको छ ।
© copyright 2016-2019 and all right reserved to jaljalakhabar | Site By : sobij
