प्रकाशित मिति : आइतवार, अशोज १४, २०८०
सरकारले सुन तस्करीबारे जाँचबुझ गर्न आयोग गठन गरेको छ।
आइतबार सिंहदरबारमा बसेको मन्त्रिपरिषद बैठकले उच्च अदालतका पूर्वन्यायाधीश डिल्लीराम आचार्यको नेतृत्वमा चार सदस्यीय आयोग गठन गर्ने निर्णय गरेको सरकारकी प्रवक्ता रेखा शर्माले जानकारी दिइन्।
आयोगको सदस्यमा किशोरङ्ग कार्की, प्रेमराज जोशी र सहकुल थापा छन्।
यो आयोगले सुन तस्करी रोक्ने सम्बन्धमा अध्ययन गरी व्यवस्थित प्रतिवेदन सरकारलाई बुझाउने उनले बताइन्। यो आयोगलाई तीन महिना समय दिइएको बताइएको छ।
प्रमुख प्रतिपक्षी नेकपा एमालेले सुन तस्करीबारे अध्ययन र छानबिन गर्न आयोग गठन गर्न माग गरेको थियो।
इलेक्ट्रिक सिगरेट (भेप) भित्र राखेर ल्याएको सुन र ब्रेकशुमा लुकाएर ल्याएको अवस्थामा साउन २ मा बरामद सुनलगायतबारे अध्ययन र अनुसन्धान गर्न आयोग बनाउने यसअघि नै सहमति भएको थियो।
असोज ५ मा आयोग बनाउने भने पनि प्रधानमन्त्री पुष्पकमल दाहाल प्रचण्ड अमेरिका र चीन गएकोले आयोग गठनमा ढिलाइ भएको थियो।
© copyright 2016-2019 and all right reserved to jaljalakhabar | Site By : sobij
