अवैधरुपमा रुख कटानी

दाङमा एकै रातमा अवैधरूपमा दुई सय बढी रुख काटिएका छन् । घोराही उपमहानगरपालिका–१ र बंगलाचुलीको सीमा जोड्ने सुवाखोला क्षेत्रको राष्ट्रिय वनमा असोज १७ गते झण्डै दुई सयको हाराहारीमा साल, अस्ना, सिमल, जामुनलगायतका रूखहरू काटिएका हुन् ।

अज्ञात समूहले एकै रातमा उक्त क्षेत्रका रूखहरू अवैध फडानी गरेको पाइएकोले अनुसन्धान थालिएको वन कार्यालय घोराहीका डिएफओ मोहनलाल श्रेष्ठले जानकरी दिनुभयो । उहाँका अनुसार अनुसन्धान अधिकृत तोकी कारवाही प्रक्रिया अगाडि बढाइएको छ । श्रेष्ठले साल, असनाका ७१ वटा ठूला रुख र सिमल, जामुनलगायत बिभिन्न प्रजातिका २५ वटा साना ठूला रुख समेत कटान गरिएको बताउनुभयो ।