विग्रेका मोवाइल भाँडा वर्तनसँग नसाट्नुस्: पाण्डेय

दाङ । नेपाल मोवाइल व्यवसायी महासंघका केन्द्रीय उपाध्यक्ष दीपक पाण्डेयले मोवाइल को सुझबुझपूर्ण प्रयोग गर्न सर्वसाधारणलाई आग्रह गर्नुभएको छ ।

मोवाइल तथा इलेक्ट्रोनिक्स व्यवसायी संघ दाङको आयोजना र घोराही उपमहानगरपालिकाको सहयोगमा विहीवार घोराहीमा भएको कार्यक्रममा नागरिकहरुलाई सचेत गराउँदै उहाँले मोवाइलको प्रयोग र विग्रेपछि पनि त्यसको व्यवस्थापनका विषयमा सुझाव दिनुभयो । ‘मोबाइललाई भाइब्रेसनमा राखेर गोजीमा नहाल्नुस्’ पाण्डेयले भन्नुभयो,– ‘त्यसले थाहा नपाउने गरी शरी रमा असर गरिरहेको हुन्छ । शरी र भन्दा ५÷७ फिट टाढा राख्नुस् ।’ उहाँका अनुसार मोवाइलको भाइव्रेसनले मुटुमा असर गर्छ । उहाँले फोन गर्ने क्रममा मोवाइलले विकीरणहरु फाल्ने गरेको भन्दै त्यसले ब्रेनलाई सिधै असर गर्ने बताउनुभयो ।

यसैगरी पुराना र विग्रेका मोवाइल नसाट्न केन्द्रीय उपाध्यक्ष पाण्डेयले सुझाव दिनुभयो । ‘त्यसको ¥याम र मेमोरी प्रयोग हुन सक्छ र मोवाइल अपचलन हुन सक्छ ।’ उहाँका अनुसार भाँडा वर्तनसित फुटेको, बिग्रेको मोवाइल साट्दा आफ्ना सेभ भएका गोप्य कुराहरु लिक हुन सक्छन् । समस्या ल्याउन सक्छ । मोवाइल बिग्रेको भए पनि त्यसभित्र रहेका फाइलहरु सही हुन्छन् । यसैगरी अपरिचितलाई एक कल फोन गर्छु भन्दा मोवाइल नदिन, मोवाइल बैकिङ सेवा नदिन सुझाव दिनुभयो । अपराधी पत्ता लगाउन अन्तिम सम्पर्क व्यक्ति खोजिन्छ । पैसा हाल्दा चोरेको वा अवैध धन्दाबाट कमाएको हुन सक्छ । अनुसन्धानले खोज्दै जाँदा अप्ठ्यारो पर्छ ।

यसैगरी चार्जमा राखेर फोन नचलाउन प्रशिक्षकहरुले सुझाव दिएका छन् । उनीहरुका अनुसार गेम खेल्दा, सिरियल हेर्दा चार्जमै हालेर गरेको पाइन्छ । त्यसो गर्दा मोवाइल धेरै तातिन्छ । आँखामा असर पर्छ । शरीरमा अन्य समस्या आउँछ । अनलिमिटेड प्रयोगले मोवाइलबाट धेरै समस्याहरु आउँछन् । गर्भवती महिलाले दिन कटाउन मोवाइल धेरै चलाउँछन् । त्यसमा धेरै कुरा खोज्छन र हेर्छन् । त्यसले पेटभित्रको बच्चालाई समेत असर गर्ने भन्दै उनीहरुले जन्मेपछि न्वारान हुँदा देखिनै पटक–पटक फोटो खिच्ने गर्दा पनि बच्चालाई असर पर्ने बताए ।

‘मोवाइल भर्खरै प्रयोगमा आएको हुनाले यस सम्बन्धी सरकारको स्पष्ट धारणा बनेको देखिदैन’ प्रशिक्षण कार्यक्रमका अध्यक्ष घोराही उपमहानगरपालिकाका प्रशासकीय अधिकृत ऋषिराम केसीले भन्नुभयो– ‘मोवाइल प्रयोगबाट पछि हट्न त सकिदैन । आफूलाई जति आवश्यक पर्छ त्यति प्रयोग गरौं ।’ उहाँका अनुसार धेरैले चलाउने फेसबुक हो । त्यसमा लाईक कमेन्ट शेयर गर्दा ध्यान दिनुपर्छ । कार्यक्रममा प्रशासन महाशासका प्रमुख वासुदेव शर्मा, भौतिक पूर्वाधार महाशाखा प्रमुख युवराज पौडेललगायतले शुभकामना व्यक्त गर्नुभएको थियो । घोराही उपमहानगरपालिकाभित्रका वडा सदस्यहरु सहभागी रहेको साईबर सेक्युरिटी प्रशिक्षण कार्यक्रममा प्रशिक्षण मोवाइल व्यवसायी संघका मदन भण्डारीले दिनुभएको थियो । कार्यक्रम सञ्चालन संघका उपाध्यक्ष भिमसेन डाँगीले गर्नुभएको थियो ।