राप्ती गाउँपालिकामा दुई र घोराहीमा आयो एउटा घुम्ती सौचालय

दाङको राप्ती गाउँपालिकामा दुई वटा घुम्ती सौचालय भित्रिएका छन् ।

सरसफाइ तथा ढल ब्यवस्थापन महाशाखा केन्द्र बाट हालसालै निशुल्क रुपमा यी सौचालय गाउँपालिकालाई प्रदान गरिएका हुन । ट्याक्टरसहितको एउटा सौचालयको मूल्य झन्डै ४० लाख पर्ने गर्छ ।

घोराही उपमहानगरपालिकामा पनि हालसालै त्यस्तै एउटा घुम्ति सौचालय आइ पुगेको छ । त्यो सौचालय पनि सरसफाइ तथा ढल ब्यवस्थापन महाशाखा केन्द्र बाट निशुल्क रुपमा प्रदान गरिएको हो ।
तुलसीपुर उपमहानगरपालिका, लमही नगरपालिकासहित अन्य जिल्लाका आठ वटा पालिकाहरुमा भने यस्ता घुम्ति सौचालयहरु उपलब्ध छैनन् ।

राप्ती गाउँपालिकामा आएका दुई मध्य एउटा सौचालय सिसहनिया बजार क्षेत्रमा राख्ने गरिएको छ भने अर्कौ भालुवाङ बजार क्षेत्रमा राख्ने योजना रहेको गाउँपालिकाका अध्यक्ष प्रकाश बिष्टले बताए । अबदेखि देउखुरी क्षेत्रमा हुने ठूला कार्यक्रम, जात्रा र मेलाहरु सर्वसाधारणलाई सजिलो हुने बिष्टले बताए । ती सौचालयहरु सर्वसाधारणले निशुल्क प्रयोग गर्न पाउनेपनि उनले जानकारी दिए ।

ट्याक्टरसहितका सौचालय जहाँ आवश्यक पर्छ त्यही लैजान सकिने उनले बताएका थिए ।
यी सौचालय गाउँपालिकाले जापानिज प्राजेक्टमा माग गरे बमोजिम केन्द्रको सरसफाइ तथा ढल ब्यवस्थापन महाशाखा बाट हालसालै निशुल्क प्रदान गरेको हो ।

कोराना महामारीको समयमा सोही जापानिज प्रोजेक्टले राप्ती गाउँपालिका – ८ पिपरीमा अढाई करोड खर्चेर होल्डिङ सेन्टर स्थापना गरि दिएको थियो । जहाँ आपत बिपतमा परेका बिरामीलाई राख्ने गरिन्छ ।