म्याकुरीकी पूर्वपत्नी सुम्निमा सडकमा बिजोग अवस्थामा भेटिएपछि…

काठमाडौँ | चर्चित युवा कमेडियन पवन खतिवडा (म्याकुरी) की पूर्वपत्नी सुम्निमा खालिङलाई कपनको पहेँलो पुल नजिकै बेहोस अवस्थामा भेटिएकी छिम। स्थानीय बासिन्दाले बिहान ७ बजेतिर उनलाई सडकमा लडिरहेको अवस्थामा फेला पारेका हुन्।

सुम्निमाले नशालु पदार्थ सेवन गरेका कारण बेहोस भएको हुन सक्ने अनुमान गरिएको छ। गत वर्षमात्रै म्याकुरी र सुम्निमाको वैवाहिक सम्बन्ध टुटेको थियो। २०७८ साल असोज २८ गते परम्परागत विवाह गरे पनि कानुनी रूपमा दर्ता गरिएको थिएन। भारतको सिक्किम निवासी सुम्निमासँग आवश्यक नेपाली कागजात नभएका कारण विवाह दर्ता हुन सकेको थिएन।

उनीहरूले म्याकुरीको गृहजिल्ला धनकुटाको स्थानीय वडामा गएर अलग्गिने सहमति गरेका थिए। म्याकुरीसँग डिभोर्सपछि उनी काठमाडौंमा एक फ्ल्याट लिएर आमा र बहिनीसँग बस्दै आएकी थिइन्। उनी यसअघि पनि उनी मदिरा सेवन सेवन गरेर सडकमा भौतारिने गरेको बुझिएको छ ।

एक स्थानीय महिलाका अनुसार, बिहान बाटोमा लडिरहेको देखेपछि उनले अन्य व्यक्तिसँग सोधपुछ गरिन्। त्यसक्रममा एक महिलाले ‘यो त म्याकुरीको श्रीमती हो’ भनेर चिनाएपछि उनले तुरुन्तै शर्मिला वाइवालाई खबर गरिन्।

विगतमा म्याकुरी र सुम्निमाको घरझगडामा शर्मिला वाइवा पनि मुछिएकी थिइन् । वाइबाकै योजनामा म्याकुरीमाथि कुटपिट समेत भएको थियो । सुम्निमा केही समय वाइबाकै घरमा बसेकी थिइन् ।

महिलाले बेहोस अवस्थामा लडिरहेको फोटो शर्मिला वाइवालाई फेसबुकमा पठाएकी थिइन् । उनले म्याकुरीलाई पनि फोन गरिन् । म्याकुरी कमेडी दरवारको सुटिङमा थिए । म्याकुरीले फोन रिसिभ गरे पनि श्रीमतीको कुरा भन्नासाथ फोन काटेको महिलाले बताएकी छन् ।

म्याकुरीले रेस्पोन्स नगरेपछि महिलाले फेरि वाइवालाई फोन गरिन् । वाइबा केही युट्यूवर बटुलेर घटनास्थलमा आइन् । पछिल्लो समय आफू सुम्निमासँग सम्पर्कमा नरहेको वाइबाले बताएकी छन् ।
महानगर प्रहरी पनि आइपुग्यो । प्रहरीले कागतीपानी पिलाएर उनलाई होसमा ल्याए । प्रहरीले उनलाई उद्दार गरेर लैजान खोजे पनि केही समयपछि उनका आफन्त आइपुगेपछि जिम्मा लगाइएको थियो।

सुम्निमा लामो समयदेखि मदिरा र नशाको कुलतमा रहेको उनका निकटस्थहरूले बताएका छन्। उनी पटक–पटक सडकमा बेहोस अवस्थामा भेटिने गरेको छ। साथै, मानसिक स्वास्थ्यसम्बन्धी समस्या रहेकाले उनले एन्जाइटी र डिप्रेसनको औषधि लिने गर्थिन्। मदिरा सेवन गर्न नपाए उनले औषधिको ओभरडोज समेत खाने गरेको खुलासा भएको छ।

सुम्निमाले नशाको अवस्थामा उग्र व्यवहार देखाउने भएकाले, उनी वरपरका व्यक्तिहरूसँग झगडा गर्नेसम्मको अवस्था आउने गरेको बुझिएको छ। म्याकुरीले समेत विवाहका क्रममा पत्नीको हातबाट बारम्बार कुटाइ खाने गरेको बताइएको छ।

डिभोर्सपछि उनीहरू अलग्गिएका भए पनि सामाजिक सञ्जालमा एकअर्कालाई ब्लक गरेका थिएनन्। तर, सुम्निमा समस्यामा परेका बेला म्याकुरीलाई पटक–पटक फोन जाने गरेको उनका नजिकका व्यक्तिहरू बताउँछन्।