अमेरिकी करले विश्वभर हलचल

एजेन्सी । अमेरिकी राष्ट्रपति डोनाल्ड ट्रम्पले नयाँ करहरूको घोषणा गरेलगत्तै विश्वभर शेयर बजारमा भारी गिरावट आएको छ ।

अमेरिकाको सर्वाधिक ठूला पाँच सय वटा फर्महरू ट्र्याक गर्ने एस एण्ड पी ५०० को शेयर ४ दशमलव ८ प्रतिशतले घटेको छ । यो गिरावट सन् २०२० मा कोभिडले अर्थतन्त्रलाई ध्वस्त पारेपछिको सबैभन्दा खराब अवस्था हो । ठूला कम्पनीहरु नाइकी, एप्पल र टार्गेटको शेयर मूल्य ९ प्रतिशतभन्दा बढीले खुम्चियो ।

अमेरिकी अर्थतन्त्र “उत्थान’’ हुने जिकिर गर्दै राष्ट्रपति ट्रम्पले आयातमा न्यूनतम १० प्रतिशत कर लगाउने निर्णय गर्दा विश्व बजारले नकारात्क सूचक देखाएको हो ।

समग्रमा ५४ प्रतिशत करको सामना गरिरहेको चीन र २० प्रतिशत करको सामना गरिरहेको युरोपेली युनियनले अमेरिकी करको बदलामा पारस्परिक कर लगाउने बताएका छन् ।

ट्रम्पले घोषणा गरेको कर योजनाले अमेरिकी भन्सार संकलनलाई सय वर्षयताकै उच्च स्तरमा पु¥याउने बताइएको छ ।