नेकपा माओवादी केन्द्र निकट विद्यार्थी संगठन अखिल क्रान्तिकारीले

नेकपा माओवादी केन्द्र निकट विद्यार्थी संगठन अखिल क्रान्तिकारीले मुलुकका विभिन्न स्थानमा वर्षासँगै आएको बाढी पहिरोमा परी ज्यान गुमाउनेका परिवारका लागि राहत कोष घोषणा गरेको छ । क्रान्तिकारीको शुक्रबार बसेको केन्द्रीय कार्यालय बैठकले १ लाख ११ हजार १ सय ११ रुपैयाँ बराबरको राहात कोष घोषणा गरेको हो ।

संयोजक नरेन्द्र न्यौपानेद्वारा जारी विज्ञप्तिमा ‘मुलुकका विभिन्न भागमा वाढी पहिरोका कारण जनधको ठुलो क्षति हुन गएको छ । खास गरी तराई मधेश र पहाडका जनता यसवाट असाध्यै प्रताडित भएको छन् । यस विपत्तीको घडिमा पिडित जनताको उद्धार कार्यमा सहयोग पुग्ने गरी अखिल क्रन्तिकारीको तर्फवाट एकलाख एघार हजार एकसय एघार रुपयाँको राहात कोष घोषणा गरिएको छ । यो रकम संगठनका संगठित सदस्यहरुको लेवी र सहयोग वाट जुटाइएको हो ।’

न्यौपानेले बाढी प्रभावितका लागि थप सहयोग समेत जुटाएर सरकारलाई हस्तान्तरण गर्ने बताए । यस्तै क्रान्तिकारीले राहत तथा उद्धार कार्यमा संलग्न हुन संगठनका सदस्यहरुलाई निर्देशन दिएको छ ।