प्रकाशित मिति : बिहिबार, चैत्र १९, २०८२
काठमाडौँ। नेकपा एमालेका संसदीय दलका नेता रामबहादुर थापा ‘बादल’ले प्रतिनिधि सभाको बैठकमा पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक पक्राउप्रति आपत्ति जनाएका छन्।
थापाले बैठकमा बोल्दै उक्त पक्राउ गैरकानूनी ढंगबाट भएको दाबी गरेका छन्। उनले समृद्धिका नायकहरूलाई खलनायक र हत्यारोको रूपमा प्रस्तुत गरिएको र देश जलाउनेहरूलाई महानायक बनाइएको बताए।
उनले प्रश्न गर्दै भनेका छन्, ‘कुन उद्देश्य पूरा गर्नको लागि राजनीतिक नेतृत्वहरूलाई पक्राउ गर्ने प्रपञ्च रचिँदैछ ? किन देशव्यापी रूपमा दमनचक्र र राज्य आतंक मच्याइँदैछ ?’
थापाले भदौ २३ र २४ गतेका घटनाका सन्दर्भमा पनि प्रश्न उठाएका छन्। साथै, उनले विद्यार्थी संगठन खारेज गर्ने तयारीप्रति पनि असन्तुष्टि व्यक्त गरेका छन्।
© copyright 2016-2019 and all right reserved to jaljalakhabar | Site By : sobij
