प्रकाशित मिति : शुक्रबार, चैत्र २०, २०८२
काठमाडौँ । प्रतिनिधि सभामा नयाँ सभामुखको पदमा राष्ट्रिय स्वतन्त्र पार्टी (रास्वपा) का उपसभापति डीपी अर्याल निर्विरोध चयन भएका छन्।
संसद् सचिवालयले दिउँसो २ बजेसम्म उम्मेदवारी दर्ता प्रक्रिया सम्पन्न गरेपछि अर्यालको मात्रै नाम दर्ता भएकाले उनी स्वतः सभामुखमा चयन भएका हुन्।
उम्मेदवारी दर्ताका लागि समय बिहान ११ बजेदेखि दिउँसो २ बजेसम्म तोकिएको थियो। अर्यालको उम्मेदवारी रास्वपा सभापति रवि लामिछानेले प्रस्ताव गरेका थिए भने अर्थमन्त्री स्वर्णिम वाग्ले, कानून मन्त्री सोविता गौतम र भौतिक पूर्वाधार मन्त्री सुनिल लम्सालले समर्थन जनाएका छन्।
प्रतिनिधि सभाको आगामी आइतबारको बैठकले औपचारिक रूपमा अर्याललाई सभामुख पदमा निर्वाचित घोषणा गर्ने छ।
© copyright 2016-2019 and all right reserved to jaljalakhabar | Site By : sobij
