लागु औषध सहित ४ जना पक्राउ

बिनिता शर्मा,काठमाडौ ।प्रहरीले लागू औषध सहित विभिन्न स्थानबाट ४ जनालाई पक्राउ गरेको छ /

झापा जिल्लाको भद्रपुर नगरपालिका वडा नम्बर ३ आँपगाछीबाट २ जनालाई पक्राउ गरेको हो।वडा प्रहरी कार्यालय आँपगाछीबाट खटिएको प्रहरी टोलीले भद्रपुर नगरपालिका वडा नम्बर ४ निवासी मदन राई र खगेन्द्र गौतमलाई २ सय ग्राम ४१० मिलीग्राम लागुऔषध ब्राउन सुगर सहित पक्राउ गरि अनुसन्धान भैरहेको छ।

त्यसैगरी मोरङ जिल्लाको उर्लाबारी नगरपालिका वडा नम्बर ३ मा ईलाका प्रहरी कार्यालय उर्लाबारीबाट खटिएको उर्लाबारी ३ निवासी ४३ बर्षीय योगेन्द्र तुङ्हाङ र ४४ बर्षीय कमल दाहाललाई विभिन्न प्रकारका प्रतिबन्धित औषधिहरु २६ हजार ६६ पिस,७ ग्राम ८९० मिलिग्राम ब्राउन सुगर र २२ हजार २ सय ७० नगद ३ थान मोबाइल र एउटा स्कुटी सहित पक्राउ गरि आबस्यक कार्बाहिका लागि अगाडि बढाईएको कोशी प्रदेश प्रहरी कार्यालय बिराटनगरले जानकारी दिएको छ।