सामान्य बढ्यो सुनचाँदीको भाउ

काठमाडौँ । नेपाली बजारमा मंगलबार सुनचाँदीको भाउ सामान्य बढेको छ। सोमबारको तुलनामा मंगलबार सुनको भाउ तोलामा चार सय र चाँदीको ४० रुपैयाँ बढेको हो ।

मूल्य बढेसँगै छापावाला सुनको भाउ प्रतितोला दुई लाख ९१ हजार आठ सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।

यसअघि सोमबार सुन प्रतितोला दुई लाख ९१ हजार चार सय रुपैयाँमा कारोबार भएको थियो।

यता सोमबार प्रतितोला चार हजार सात सय ८० रुपैयाँमा कारोबार भएको असली चाँदीको भाउ बढेर मंगलबार चार हजार आठ सय २० रुपैयाँ पुगेको छ।

सुनचाँदीको मूल्य हालसम्मकै उच्च गत माघ १५ गते भएको थियो । माघ १५ गते सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।

अन्तर्राष्ट्रिय बजारमा आएको उतारचढाव तथा माग-आपूर्तिको अवस्थाले स्थानीय बजारमा मूल्य घटबढ हुने गरेको बजार विश्लेषकहरूको दाबी छ ।