IGP मनोज केसीको सचिवालयमा SSP प्रविण पोखरेल खटिएका छन् ।
प्रहरी महानिरीक्षक (IGP) डा. मनोजकुमार केसीले प्रहरी वरिष्ठ उपरीक्षक (SSP) प्रविण पोखरेललाई आफ्नो सचिवालयमा खटाएका छन् ।
राष्ट्रिय सुरक्षा परिषद्, सिंहदरबारमा कार्यरत रहेका पोखरेललाई IGP केसीले सचिवालयमा जिम्मेवारी दिएका हुन् ।
प्रहरी नेतृत्व परिवर्तनसँगै IGP को सचिवालयमा कार्यरत अधिकृतहरूको हेरफेर हुने प्रचलन रहे पनि यसपटक भने पूर्व IGP दानबहादुर कार्कीको सचिवालयमा कार्यरत रहेकै आधारमा कुनै पनि कर्मचारीमाथि भेदभाव नगर्ने नीति नयाँ IGP ले लिएको बताइएको छ ।
हाल IGP सचिवालयमा प्रवक्ताको जिम्मेवारीमा DIGP अबिनारायण काफ्ले, सहप्रवक्तामा SSP दीपसमशेर जबरा तथा SP धर्मराज भण्डारी र SSP शेखरजङ्ग मल्ललगायतका अधिकृत कार्यरत छन् ।
SSP पोखरेलले यसअघि अख्तियार दुरुपयोग अनुसन्धान आयोग, जिल्ला प्रहरी कार्यालय सर्लाही, रुपन्देहीलगायतका निकायमा रहेर नेतृत्वदायी जिम्मेवारी सम्हालिसकेका छन् ।
