आर्थिक बर्ष २०७४/०७५ को बजेटलाई पूँजी बजारले स्वागत

काठमाडौं।  आर्थिक बर्ष २०७४/०७५ को बजेटलाई पूँजी बजारले स्वागत गरेको छ । बजेट भाषणपछि बुधबार भने बजारमा अधिकाशं समूहको सूचक हरियो भएको छ ।

आज बजार दोहोरो अंकले उकालो लागेको छ । एक सय ४४ कम्पनीको सेयर कारोवार भएको बुधबार बजार १३ दशमलव ६८ अंकले उक्लिएको छ । दिनभर ११ लाख ५३ हजार ४ सय ९४ कित्ता सेयर किनवेच भएको वजारमा ६७ करोड ९३ लाख ५४ हजार ७२ रुपैयाँको कारोवार भएको छ ।

बुधबार नेप्से र सेन्सेटिप इन्डेक्स दुवै हरियो भएका छन् । बैकिङ समूहको सूचक ९ दशमलव ४१ अंकले वढेको छ भने होटल समूहको सूचक १९ दशमलव ९८, विकास बैंक समूहको सूचक २० दशमलव ९ र जलविद्युत समूहको सूचक १८ दशमलव ०७ अंकले बढेको नेपाल स्टक एक्सचेन्जले जनाएको छ ।

यस्तै, बुधबार फाइनान्स समूहको सूचक १ दशमलव ३२, बीमा समूहको सूचक १२१ दशमलव ४१ र अन्य समूहको सूचक ८ दशमलव ३९ अंकले वढेको छ । वजारमा उत्पादनमुलक समूहको सूचक भने ४ दशमलव ६१ अंकले घटेको छ ।