१६ वर्षीया छिमा पुन अहिले परिवारविहिन बनेकी

प्यूठान–फोप्ली ३ मा घर भइ फोप्ली–४ मा रहेको खेत तिमिलेको गोठमा बस्दै आएकी १६ वर्षीया छिमा पुन अहिले परिवारविहिन बनेकी छिन् ।६ जनाको सदस्य रहेको छिमाको परिवार गुमाउँदा अहिले उनी एक्लै छिन् । तिमिले मजदुरी गर्दै आएका बाबुआमा भाईबहिनी सबै घर परिवारलाई मंगलबार राति पहिरोसँगै आएको बाढीले बगाएपछि छिमा एक्ली बनेकी हुन् ।

आफन्तको घर ९गाउँमा० गएर बसेकी १६ वर्षीया वालिका छिमा पुन बाँच्न सफल त भइन्, तर सबै परिवारलाई पहिरोसँगै आएको बाढीले बगाउँदा परिवारविहिन बन्न पुगेकी छिन् ।

बुबा भुपाल पुन, आमा समेली पुन, भाई धन बहादुर पुन र बहिनीहरु लिला पुन, थमी पुनलाई गुमाएपछि उनी सहाराविहिन बन्न पुगेकी छिन् । यतिसम्मकी सामान्य साहारा दिने छिमेकी समेत गुमाउँदा पागल जस्तै बनेको आभास आँशुका धाराले व्यक्त गर्छिन उनी । छिमाले गाउँकै अम्बिका मावि फोप्लीमा अध्ययन गर्दै आएकी छन् ।

छिमा परिवारविहिन भएपछि डाँको छोडेर रुनु बाहेक अरु केही नभएको बताउँछिन् । परिवारको अभाव त भयो नै त्यसैमाथि उनको घर, गोठ सबै पहिरोले बस्नै नमिल्ने गरी बगाएपछि छिमाको जीवन यात्रामा बज्रपात भएको छ ।

अहिले यतिबेला उनीसँग न कसैको साथ छ, न त कुनै ओतन या बास, न त खाने केही गास नै । अन्धकार र दुखपूर्ण जिन्दगीको यात्रामा छिन् उनी यतिबेला ।