छोरी बोकेर इनारमा हामफल्दा छोरीको मृत्यु, आमाको उद्धार

सिरहा, घरायसी विवादका कारण दुधेबालकसहित इनारमा हामफल्दा एक बालिकाको ज्यान गएको छ । धनगढीमाई नपा–१२ विष्णुपुरका २८ बर्षीय हिरा खनाल आफ्ना एक बर्षीइ छोरी दिलिसालाई वोकेर घर अगाडी रहेका इनारमा हामफल्दा छोरीको इनारमा ज्यान गएको हो ।

आमाको भने प्रहरीले उद्धार गरेको जिल्ला प्रहरी कार्यालय सिरहाका प्रमुख एसपी श्याम ज्ञवाली बताए । हिराको श्रीमान धु्रव बैदेशिक रोजगारीको क्रममा दुवइमा छन् ।

बालिकाको शव पोष्टमार्टमकोलागि लहानस्थित रामकुमार सारडा उमाप्रसाद मुरारका स्मारक अस्पतालमा राखिएको छ । आमा हिराकोपनि सोही अस्पतालमा उपचार भईरहेको जनाएको छ ।

त्यसैवीच प्रतिवन्धित लागु औषध कोरेक्स सहित जिल्ला प्रहरीले एक युवालाई पक्राउ गरेको छ । भारतबाट नेपालतर्फ आउँदै गरेको अवस्थामा चेकजाँचको क्रममा मिर्चैया नगरपालीका ७ का २५ वर्षिय सन्तोष साहलाई प्रहरीले पक्राउ गरेको हो ।

साहको साथबाट ६ बोेतल कोरेक्स र उनी चडेको स. ६ प २१४७ नम्वरको मोटरसाइकल नियन्त्रणमा लिएको जिल्ला प्रहरी कार्यालय सिरहाले जनाएको छ ।