दाङको तुलसीपुरमा बाढी, एकको मृत्यु

दाङको तुल्सीपुर । घोराही सडक खण्ड अवरुद्ध भएको छ। गएरातिदेखिको अविरल वर्षाले  मोतीपुरे सोते खोलाले सडक खण्ड भत्काएपछि सडक अवरूद्ध भएको हो। तुलसीपुरबाट १ किलोमिटर दुरीमा रहेको यो खोलाले सडक भत्काएसँगै बाढी पसेको छ। बाढीले घर भत्काएपछि तुलसीपुर १३ की सावित्रा सुनारको मत्यु भएको प्रहरीले जनाएको छ।

तुलसीपुर खानेपानी पनि अवरूद्ध भएको छ।

यस्तै अविरल वर्षासँगै आएको बाढीले लुलसीपुरबाट बाहिरिने अधिकांश सडक अवरूद्ध भएको छ।

दाङकै तुहीसोता खोलामा आएको बाढीले स्थानीयका ११ घर भत्काएको छ।  यस्तै अम्बिकेश्वरी मावीसमेत डुवानमा परेको छ।

दाङकै बबई नदीमा आएको बाढीले बाँके र रहरपुर ४० भन्दा बढी घर डुबानमा छन्। डुवानमा परेका उनीहरू निमावी बाँकेमा आश्रय लिएर बसिरहेका छन्।

यसैगरी कलम खोलामा आएको थप तीन घर भत्काएको प्रहरीले जनाएको छ।

बाढी आउने पूर्वसूचना दिएर प्रहरीले रातिनै स्थानीयलाई सुरक्षीत स्थानमा सारिसकेकोले कुनै मानवीय क्षती भएको छैन।