नुवाकोटको गुरुङ गाउँमा बस दुर्घटना भएको छ। दुर्घटनामा ३ जनाको घटनास्थलमा मृत्यु भएको प्रहरीले जनाएको छ।
शनिबार काठमाडौंबाट छहरे नुवाकोटका लागि छुटेको बा १ ख ६३४८ नम्बरको यात्रुबहाक बस करीब १२ बजे टोखा-छहरे सडक खण्डको शिवपुरी गाउँपालिका- ७ गुरुङ गाउँमा दुर्घटना भएको थियो।
प्रहरीले दिएको प्रारम्भिक जानकारी अनुसार ३ जनाको मृत्यु भएको छ तर मृतकको सख्या बढ्न सक्ने जनाएको छ।
अहिले स्थानीय र सुरक्षाकर्मी घाइतेको उद्दारमा खटिएको प्रहरीले जनाएको छ। मृतकको नाम सनाखत हुन सकेको छैन। बसमा करीब ५० जना भएको अनुमान गरिएको छ।
