प्रकाशित मिति : आइतवार, अशोज २, २०७३
चितवन । भरतपुरको कल्याणपुरमा रहेको स्मल हेभन बोर्डिङ स्कुलको बस भरतपुर उपमहानगरपालिका–६ लङ्कुमा दुर्घटना हुँदा २४ विद्यार्थी घाइते भएका छन् ।
जिल्ला प्रहरी कार्यालयका अनुुसार कल्याणपुरबाट विद्यार्थी लिएर चौबीसकोठीतर्फ आउँदै गरेको ग १ क ३९७५ नं को बस क्यान्सर अस्पताल नजिकै अनियन्त्रित भई सडक किनारामा रहेको बिजुलीको खम्बामा ठोक्किएको थियो ।
दुर्घटनामा घाइते भएकामध्ये १७ जनाको चितवन मेडिकल कलेजमा र सात जनाको कलेज अफ मेडिकल साइन्सेज शिक्षण अस्पताल, भरतपुरमा उपचार भइरहेको प्रहरीले जनाएको छ । बसका चालक भने फरार रहेका छन् ।
© copyright 2016-2019 and all right reserved to jaljalakhabar | Site By : sobij
