पद्मकन्या क्याम्पसको ६७ औ वार्षिकोत्सबको आवसरमा पन्तको स्मृतिमा स्थापित अक्षयकोषबाट ३ जना छात्राहरुलाई पुरस्कार बितरण गरिएको हो।
पद्मकन्या क्याम्पसमा प्राध्यापनरत साबित्रा पन्त २०७३ चैत मसान्तको दिन डोटी जिल्लामा भएका कार दुर्घटनामा परी मृत्यु भएको थियो।
पन्तको सम्झनामा उनका श्रीमान हेरम्बराज पन्तले पाँच लाख रूपैयाँको अक्षयकोष स्थापना गरेका थिए।
जनसंख्या विभागमा प्राध्यापनरत पन्तको स्मृतिमा सोहि क्याम्पसबाट जनसंख्या संकायको बि.ए. र एम.ए. मा सर्बोत्कृष्ट अंक ल्याउने एक एक जना र एम.ए. जनसंख्या विषयमै सर्वोत्कृष्ट सोधपत्र (थेसिस) तयार पार्ने एक जना गरी जम्मा तीन जना छात्राहरुलाई प्रत्येक वर्ष जनही पाँच हजार, दश हजार र पच्चीस हजार र प्रमाणपत्र प्रदान गरिने व्यवस्था गरिएको छ।
छात्रवृत्ति पुरस्कार अक्षयकोषका संस्थापक हेरम्बराज पन्त र क्याम्पस प्रमुख प्रा.डा. रेणुका जोशीले कुसुम लामा (बि.ए. जनसंख्या) र रिजु पराजुली (एम.ए. जनसंख्या)लाई हस्तान्तरण गरे।
कोषका अध्यक्ष तथा जनसंख्या विषयका उप प्राध्यापक भगवती सेढाईका अनुसार अक्षय कोष यसै वर्ष स्थापित भएकोले उक्त पुरस्कार रकम संस्थापक पन्तले यस वर्षका लागि अतिरिक्त प्रदान गरेका हुन्।
साथै यसवर्षको एम.ए. जनसंख्या विषयको थेसिसको नतिजा आउन बाँकि भएको सर्वोत्कृष्ट थेसिसको लागि छुट्टयाईएको पुरस्कार पछि प्रदान गरिने भएको छ।
