अमेरिकाकाे लस भेगासमा गोली हानी ५० को हत्या, २०० बढी घाइते

प्रकाशित मिति : सोमवार, अशोज १६, २०७४

आश्विन १६, २०७४-अमेरिकाको लस भेगासमा भएको एक कन्सर्टमा गोली प्रहार गरी ५० जनाको हत्या गरिएको छ भने २ सय बढी घाइते भएका छन् । कन्सर्टस्थल नजिकैको एक होटलबाट अन्धाधुन्धा गोली प्रहार गरिएको थियो ।

प्रहरीका अनुसार स्थानीय ६४ वर्षीय स्टेफेन प्याडोकले कन्सर्टस्थल नजिकैको मन्डाले बे होटलको ३२ औं तलाबाट अन्धाधुन्धा गोली प्रहार गरेका थिए ।

प्रहरीले उनलाई होटलमै गोली हानी हत्या गरेको छ । प्रहरी अधिकारीका अनुसार उनी रहेको स्थानमा धेरै मात्रामा हतियारहरु फेला परेका छन् ।

यो अमेरिकाको इतिहासमै सबैभन्दा खराब घटना हो ।

इन्फोग्राफिक्स स्राेत : बीबीसी

सुरक्षा अधिकारी सेरिफ जो लोम्बार्डोले यसलाई साढेको आक्रमणको संज्ञा दिएका छन् । उनका अनुसार प्रहरीले ति आक्रमणकारीसँगै होटल प्रवेश गरेको महिलाको पहिचान गरिसकेको छ । आक्रमणमा दुई प्रहरी अधिकारी पनि मारिएका छन् ।

प्रत्यक्षदर्शीका अनुसार आक्रमणकारीले सयौं गोली प्रहार गरेका थिए ।

यो क्षेत्रमा धेरै होटल छन् ।

लग भेगासका अन्य स्थानमा पनि आक्रमणका घटना भएको भनिए पनि प्रहरीले यसलाई गलत भनेको छ ।