प्रकाशित मिति : सोमवार, पुस १०, २०७४
डेनमार्क सरकारको सहयोगमा निर्माणाधीन यो सडकको ५८ प्रतिशत काम पूरा भएको छ ।
उन्नती समावेशी परियोजनाअन्तर्गतको ‘उन्नती इन्क्लोजिफ ग्लोथ’ कार्यक्रममा समावेश यो सडकको स्तरोउन्नतिको काम पनि भइरहेको हो ।
गाग्रेभन्ञ्याङ–जितपुर–सोयाक–वेलवासे–चिसापानी सडक निर्माण भएसँगै इलामका पश्चिमी क्षेत्रका वासिन्दालाई तराई झर्न सहज हुने छ ।
मंगलबारेबाट मेची राजमार्ग हुँदै इलाम–फिक्कलबाट झापा करिव १ सय १० किलोमिटर पार गर्नु पर्छ । तर यो सडक निर्माण भएपछि करिव ६० किलोमिटर सडक पार गर्दा झापाको विर्तामोड पुग्न सकिन्छ ।
सडक निर्माण सम्पन्न भएसँगै स्थानीय उत्पादनलाई बजार पु¥याउन समेत सहज हुने छ ।
दुई चरणमा गरेर काम गरिरहेको परियोजनाले ३२ किलोमिटर सडक स्तरोन्नति गर्ने आयोजनाका इञ्जिनियर नितेशकुमार झाले जानकारी दिए ।
सो सडकको ग्याभिन वाल निर्माण र अर्थ वर्कको काम ९० प्रतिशत पूरा भएको छ भने साइड ड्रेन ६५ प्रतिशत र मेसिनको काम ४० प्रतिशत सम्पन्न भएको छ । परियोजनाले २०७३ साल चैतबाट काम सुरु गरेको थियो ।
© copyright 2016-2019 and all right reserved to jaljalakhabar | Site By : sobij
