प्रकाशित मिति : बिहिबार, अशोज ६, २०७३
दाङ । दाङको उरहरी र हस्नापुर गाउँ जोड्ने पुल निर्माणसँगै यहाँका स्थानीयवासीलाई सहजता भएको छ । उक्त पुल २०७१ साल साउन २९ गते बाढीले बगाउँदा स्थानीयवासीलाई आवत–जावतमा समस्या भएको थियो ।
बगाएको पुल फेरि निर्माण गरिएपछि स्थानीयवासी खुसी भएका छन् । तुलसीपुर–१९ स्थित क्वाङखोलामा रु ९३ लाख रुपैयाँको लागानीमा पक्की पुल निर्माण गरिएको हो ।
जिल्ला विकास समिति, दाङले पुल निर्माणको जिम्मा जुद्ध एन्ड पूर्ण निर्माण कम्पनीलाई दिएको थियो । रु ९२ लाख ९६ हजार ३४६ रुपैयाँमा १२ मिटर लम्बाइ र ४ं.८५ मिटर चौडा पुल निर्माण भएको इन्जिनियर थमप्रसाद पाण्डेले जानकरी दिनुभएको छ । नवनिर्मित पुलको उद्घाटन मङ्गलबार सांसद डिल्लीबहादुर चौधरीले गर्नुभएको थियो ।
© copyright 2016-2019 and all right reserved to jaljalakhabar | Site By : sobij
