सिआइएको लगानीमा कनकमणिले अभियान चलाएको खुलासा

काठमाडौं   ।  सन् २०१४ को अप्रिलमा तत्कालीन नेकपा (माओवादी), हाल नेकपा (माओवादी केन्द्र)ले कनकमणि दीक्षितमाथी नर्वेली दुतावासमार्फत ६० करोड लिएर शान्ति प्रक्रिया भाड्न खोजेको आरोप लगाएको थियो । जुन विषयले तत्कालिन संसदमा माओवादीले हंगामानै मच्चाएको थियो ।

माओवादीले यस्तो आरोप लगाएसँगै कनकमणि दीक्षित तथा नर्वेली राजदुतावासले यस विषयमा स्पष्टीकरण दिए ।

यतिमात्रै नभई मानवअधिकारको क्षेत्रमा कार्यरत कनकमणि दीक्षितले सत्य निरुपण आयोगले सशस्त्र द्वन्दको समयका घटनालाई थामथुम पार्न खोजेको आरोप लगाए ।

उनीमाथि नेपालको कानून फितलो रहेको र पीडितका आफन्तले न्याय पाउन नसकेको भन्दै द्वन्दकालका घटना एकपछि अर्को गर्दै उछाल्ने गरेको आरोप समेत लाग्यो ।

त्यसयता दीक्षित विभिन्न राजनीतिक पार्टीको विरोधमा अभियान चलाउन तल्लिन देखिए । यस घटनाको २ वर्षपछि दीक्षितलाई साझा यातायातमा अनियमितता गरेको अभियोगमा अख्तियार दुरुपयोग अनुसन्धान आयोगले पक्राउ गर्यो । त्यतिबेला दीक्षित साझा यातायतका अध्यक्ष थिए ।

सिआइए, हिमाल र कनकमणि
न्युज लाउन्ड्रीका अनुसार नेपालमा दीक्षितले सञ्चालन गर्दै आएको हिमाल मिडियाले सन् २०१६ फेब्रुअरी देखि सन् २०१७ फेब्रुअरीसम्मका लागि ओपन सोसाइटी फाउन्डेशनबाट एक वर्षको सहयोग रकम पाएको थियो ।