सुकेटारमा बजार अनुगमन

ताप्लेजुुङ  । आइतबार ताप्लेजुङको सुकेटार बजार अनुगमन गरिएको छ । संयुक्त बजार अनुगमन समिति संयोजक तथा सहायक प्रमुख जिल्ला अधिकारी सुरेन्द्र भट्टराईको नेतृत्वमा बजारको अनुगमन गरिएको हो ।

अनुगमनका क्रममा केही अखाद्य वस्तु तथा म्याद गुज्रेका सामग्री बरामत गरिएको संयोजक तथा सहायक प्रजिअ भट्टराईले जानकारी दिए । भट्टराईका अनुसार सुकेटार बजारका आठ वटा होटल तथा पसलको अनुगमन भएको र त्यसमा म्याद गुज्रेका खाद्य सामग्री खाने तेल २३ पोका, आँटा (पिठो) पाँच केजीको एक पोका र एक थान तराजु तथा एउटा एक किलोग्रामवाल ढक बरामत गरिएको छ ।
बरामत सामान तेल तथा पिठो नष्ट गरिएको र ढक तराजु जफत गरिएको सहायक प्रजिअ भट्टराईले बताए । त्यस्तै सबै प्रक्रिया नपु¥याई सञ्चालन पसललाई प्रक्रिया पूरा गर्न निश्चित समय उपलब्ध गराएको उनले जानकारी दिए । जिल्ला प्रशासनसहित कोष तथा लेखा नियन्त्रक, घरेलु, उद्योग वाणिज्य संघ, होटल व्यवसायी संघ, जिल्ला पशु, कृषि, प्रहरी, सशस्त्र प्रहरी, उपभोक्ता हित संरक्षण मञ्च, पत्रकार लगायतको प्रतिनिधित्व रहेको संयुक्त अनुगमन समितिले बजारको अनुगमन गरेको हो ।