लोकमानमाथी दिप बस्न्यातको पहिलो एक्सन, दश विज्ञ निष्काषित !

काठमाडौं । अख्तियार दुरुपयोग अनुसन्धान आयोगले निलम्बीत प्रमुख आयुक्त लोकमानसिंह कार्कीले नियुक्त गरेका १० जना विज्ञलाई हटाएको छ । मंगलबार कार्यबाहक प्रमुख आयुक्त दिप बस्न्यातको नेतृत्वमा बसेको आयुक्तहरुको बैठकले अनुसन्धान विज्ञहरु माधव खत्री, भरत शर्मा, केशव खरेल र गोवर्धन श्रेष्ठलाई हटाउने निर्णय गरेको गरेको बताईएको छ ।

अख्तियारमा कार्यरत एक अधिकृतका अनुसार अख्तियारको कानुनी सल्लाहकारको रुपमा कार्यरत बरिष्ठ अधिवक्ता कोमलप्रसाद घिमीरे, बालचन्द्र आचार्य, भानुभक्त पोखरेल र करणाकर मल्लिकलाई पनि हटाईएको छ । त्यस्तै अर्थ विज्ञको रुपमा लोकमानसिंह कार्कीले नियुक्त गरेका रामहरी अर्याल, सञ्चार विज्ञ शरद अधिकारी र भुमिसुधार विज्ञ हुपेन्द्रमणी केसीलाई पनि हटाईएको छ ।

मेडिकलविज्ञकाे रूपमा नियुक्त भएकी कार्कीकी छाेरी अाध्या श्री कार्कीले गत असारमा नै राजिनामा दिइसकेकी थिइन् ।

‘अकस्मात विज्ञहरुलाई किन हटाईएको’ भन्ने रातोपाटीको जिज्ञासमा अख्तियारका एक उच्च अधिकारीले भने, ‘तपाईलाइ थाहै छ नी, प्रमुख आयुक्त कमजोर भएपछि आयुक्तहरुले हटाए ।’