हिरो सानो बाबु सुनुवार स्याङ्जामा सम्मानित

स्याङजा  ।    विश्वविख्यात साहसिक हिरो सानो बाबु सुनुवारलाई स्याङ्जालीको तर्फबाट अभिनन्दन तथा सम्मान गरिएको छ ।

रोडसाईड क्याफे करेण्डाँडामा आज सम्पन्न उक्त कार्यक्रमकाबीच प्रमुख अतिथि स्याङ्जाली युवा नेता सांसद राजु थापाले उनलाई सम्मातिन गरे ।
सो अवसरमा थापाले जन्मथलो रामेछाप भएपनि स्याङ्जालाई कर्मथलो बनाई सुनारले पर्यटकीय क्षेत्रमा स्याङ्जालाई बिश्वमा समेत चिनाउन सम्पूर्ण स्याङ्जाबासीलाई खुसीको कुरा भएको बताए ।

कार्यक्रममा सम्मानित व्यक्तित्व सुनुवारले आँफू १३ बर्ष अगाडी पहिलो पटक स्याङ्जाको भूमिमा टेक्दा स्याङ्जालाई धेरै पर्यटकीय सम्भावना भएको क्षेत्रको रुपमा हेरेको बताउदै अब आफू शिक्षित स्याङ्जालीको साथमा रहन पाउदा खुसी लागेको बताए ।

सानो बाबु सुनुवारले संसारकै सर्वोच्च शिखर सगरमाथाबाट प्याराग्लार्ई्डिङ गरि नेशनल जोग्राफी च्यानलको ‘हिरो अफ दि ईयर २०१२’ बाट सम्मानित भएका थिए भने हालसालै युरोपको सर्वोच शिखर माउन्ट एल्ब्रसबाट समेत प्याराग्लाईडिङ गरेर संसारलाई चकित तुल्याएका थिए ।
उनको स्याङ्जाकै स्वरेकको मैदानमा विश्वकै एकमात्र प्याराग्लाईडिङ स्कुल सञ्चालनमा छ ।
कार्यक्रम पर्यटन विकास समिति स्याङ्जाका अध्यक्ष स्थानीय विकास अधिकारी महेश भट्टराईको सभापतित्वमा सम्पन्न भएको थियो